Dening: Gampang Prawoto
ngleluri basa lan sastra iku apa
ora bisa ngasilake beras lan sega
apa maneh numpuk bandha donya
aja takon sisane, upa wae ora ana
Boten kersa mrangguli boten punapa
Ingkang baku welas asih ing dana arta kepareng rade onja langkung prayoga
saparing-paring nadyan boten nujuprana.
apa paedahe jejer aksara tuwa
ngrembaka lamun nguwoh lan piguna
weweh sumbangsih tumraping nagara
ing jagad politik tan bisa ngowahi swara.
aku ora butuh klangenan cilik mula
sing koktulis ming sakupenging crita
dakbutuhake warta kang dadekake citra
bakune ora ana goroh ing antarane kita
aja dora lamun tumuju mring sembada.
Bojonegoro,10072026
